瘋傳吳亦凡感染「梅毒二期」　官方查核後揭真相

內地男星吳亦凡今年8月涉嫌強姦罪，被內地警方正式拘捕後已冇得再見人，惟尋日（9日）凌晨就有人爆料一段疑似吳亦凡的男子到醫院約10秒短片，稱片中被鎖上電子腳鐐嘅重犯係吳亦凡，隨後更有傳該照片嘅門診係皮膚科，更擅長「性病」、愛滋病、梅毒等性傳染病治療，因此有人爆料聲稱吳亦凡患上「梅毒二期」。

消息即網上瘋傳，更有多個爆料帳號紛紛轉載片段，不過稍後統統被微博官方標註一行黃字，指出「經核實此消息為謠言」註解，微博官方積極否定消息，所以「吳亦凡梅毒」嘅關鍵字連結亦已消失，僅存數篇標上「吳亦凡梅毒」嘅話題亦已經無法點開，就連10秒睇症片都被全面下架。