一姐的機會?譚嘉儀:我唔鍾意做緋聞

2021年09月10日 13:00
東網電視
更多新聞短片
「紅唔紅好講彩數!」這句話就算是當紅藝人都會十分認同。今年33歲的譚嘉儀(Kayee),是一名主持、演員和創作歌手,幾乎瓣瓣都做過的她雖說還未到「女一」、「一姐」之列,近年她成功入屋,夥拍薛家燕主持《流年經典50年》,演唱多首劇集曲,當中《Can you hear》更有過千萬點擊率,Kayee亦是幸運的一份子。
今年入行10年的她,2011年參加《超級巨聲3》得季軍,而當時的冠軍是馮允謙。過了比賽後,她沉靜了好一段時間沒有工作,約半年後才有監製找她做主持,她說:「我覺得點解我參加完唱歌比賽,我唔係唱歌,反而要做主持我就好驚。」
要數到開始有人認識,就是《愛‧回家》中演在街頭Busking的「木偶妹」司徒韻。雖然劇中有機會自彈自唱,可惜都未有得到唱片公司的注意。為了可以得到更多機會,她開設自己影片頻道,並翻唱其他歌手的歌。與此同時,她錄製作品並交給唱片公司,但就迎來別人的抨擊,「佢哋話我『好似唔識唱歌,把聲唔係好好聽』,我匿埋喺自己studio喊咗兩日,完全唔想聽歌同唱歌。之後我搵咗阿哥傾,佢即刻拉我去唱咗首cover,當時我好唔想唱。」
Kayee在2016年簽約星夢娛樂,翌年在《2016年度勁歌金曲頒獎禮》 、《新城勁爆頒獎禮 》等獲得多個新人獎,之後翻唱盧冠廷名曲、《不懂撒嬌的女人》主題曲《陪着你走》,情感豐富和充滿少女味,成為「洗腦歌」。作為一個創作歌手,都會希望自己的作品包含自身元素,相比起劇集主題曲,Kayee其他作品人氣較弱,亦自言自己的代表作不夠突出:「雖然唱過好多歌,但真係要大家耳熟能詳嘅歌真係唔多,劇集歌始終係好多人聽到,但唔代表我唔會出一啲非劇集歌,因為對我嚟講都好重要,代表咗我自己。」
鮮有是非的Kayee在娛樂圈做出不錯的成績,實力無庸置疑,卻很少聽到她在公司被捧上「一姐」位置。對於競爭,她有這個的看法:「你今日可以同呢個人同公司,如果佢走咗,佢就再唔係競爭對手,咁又有排諗,公司又有新人加入,或者呢排人哋嘅歌好hit,呢啲係我完全控制唔到嘅範圍。」除了是非少,緋聞近乎零,她的作品多是以自身經歷創作,單身已有一段日子的她並不會為了寫歌而拍拖,更自嘲「你見我Dry咗咁耐就知啦!」
首次與Kayee做訪問時,她為人較為安靜,但卻經常自嘲,訪問中更提及自己的外貌變化、以及從前在觀眾眼中介乎「認得同唔認得」之間。想知更多,即刻去片收看《娛場》!
場地提供:Gateway Hotel