嗌林志玲做媽咪　「蛇姬」林采緹3歲仔仔爆真相！

台灣性感女星「蛇姬」林采緹有個3歲囝囝「夏天」，最近林采緹喺社交網上載一條片，見到夏天指住台灣第一名模林志玲同日籍老公AKIRA拍攝嘅雜誌封面，狂嗌林志玲做「媽咪」，搞到啲大人都?晒頭，再細問佢點解嗌林志玲做媽咪，夏天就話：「頭髮這樣子就是媽咪！」大家先恍然大悟，搞到林采緹都發文笑指：「我跟志玲姐姐相似之處：頭髮」，夏天成功一次過氹晒兩位女神開心，童言童語真係唔講得笑。