5個月火速收身！胡杏兒晒S型身段喪吸Like

視后胡杏兒今年4月再為老公李乘德（Phil）誕下細仔，作為三子之母嘅佢，事業家庭兩兼顧，誕下第3胎翌月後就返回內地搵奶粉錢，真係超能媽媽嘅典範！

身在內地工作嘅佢，今日（10號）喺社交網上載多張收身靚相，經過5個月已回復昔日美態，並分享當三孩之母感受：「靜下來的時候，自己也會覺得很奇妙很感恩，我已經是三個孩子的媽媽了，有了孩子和家人的支持，也是我工作背後最大的動力，要工作也需要健康的身體。我自己也沒想到生完三寶也可以恢復得這麼快，大家覺得我這個Body還可以嗎？」相中胡杏兒喺樹下大擺甫士，低胸貼身裙完美展現S型身段，索到勁吸Like，連好友胡定欣、陳茵媺、宋熙年等都留言大讚，當中李施嬅更笑言：「Wahhhhhhh噴鼻血！」