ANSONBEAN唔怕着三角褲行騷:最緊要泳褲靚!

2021年09月10日 20:22
東網電視
更多新聞短片
樂壇新人ANSONBEAN今晚(10日)於會展出席「亞洲時尚盛事CENTRESTAGE」開幕活動,同場還有許廷鏗、陳柏宇、林奕匡、陳蕾、丁子朗、余德丞、盧慧敏等。騷前ANSONBEAN接受訪問,他表示小時候都有睇過Fashion show,長大後則是首次做觀眾,感覺好興奮、期待:「入行之後都有留意多咗潮流動向,唔知等陣會有咩驚喜。」
講到他現時正拍攝ViuTV游水新劇《i.SWIM》,問到若要他以三角泳褲行Catwalk是否ok?他表示如果有足夠時間練肌肉都可以:「要都要㗎啦!哈哈!(會唔會睇埋錢份上?)睇場合同靚唔靚,除咗Body靚唔靚之外,仲要睇埋條泳褲靚唔靚,條褲靚都抵!如果劇情需要都可以赤裸,總之唔係為騷而騷。」現時拍劇進度?他表示仍有一段拍攝時間,期間都會努力再操弗。
另外,提到日前他被爆跟16位男女同枱聚餐,疑違反禁聚令,他再次認錯道歉講「對唔住」:「係覺得自己唔小心,做咗公眾人物都想做好榜樣,嗰次係中學同學生日,下次會小心啲。」