關嘉敏慘遭網民攻擊 接拍廣告感動到喊

20210910
東網電視
更多新聞短片
組合Bingo成員關嘉敏(Carman)為醫學美容拍攝廣告,穿上低胸衫的她夾出深長事業線,她說:「每件衫都勁貼身,我試完衫嗰日開始就keep fit,又要過番一啲無味生活,而且完全唔敢食飽。」廣告中她有兩個不同造型,一個動感一個優雅,她說:「我自己比較鍾意打拳造型,因為我個人本身都係好動。」
早前曾遭網民攻擊的她,經歷過廣告被換角或被抽起等事,感恩仍有客戶支持,也感謝家人及朋友的支持,她說:「當知道自己有呢個廣告拍攝嘅機會,我真係喊咗出嚟,唔好嫌我麻,我真係感恩客戶嘅信任。」拍攝時她更重遇初出道時,幫Bingo影相的攝影師,令她回憶返晒嚟!