高以翔37歲冥壽　女友Bella預告隔離完畢直奔墓地

台星高以翔2019年11月意外離世，本月22日係其37歲冥壽，生前女友Bella表示依家正喺台北接受隔離，隔離期結束當日咁啱就係高以翔生日，佢就直言隔離結束嗰日會去「看他」，預告會去墓地睇男友。不過有網友就嫌佢多次「消費」高以翔，成日將自己同對方綑綁，加上佢曾透露有考慮出道進軍娛樂圈，連高以翔二哥高宇橋同好友毛加恩都已經取關了Bella社交帳號，令網友對佢負評如潮。