S.H.E成軍20周年　Ella晒合照透露愛的心聲

台灣女子天團S.H.E早年因合約問題及有不同發展方向，三女都未有同舊公司華研音樂國際續約，搞到「S.H.E」個名唔可以再用，不過都冇打擊到三女，當中成員陳嘉樺（Ella）今日（11日）一早更為成軍20周年發文慶祝！

Ella晒出同任家萱（Selina）、田馥甄（Hebe）2年前旅行嘅舊照，寫下：「20歲，乾杯！敬所有三葉草們，謝謝你們，風沙星辰，永遠相伴」又Hashtag「敬姐妹，敬愛，SHE生日快樂，大家都要好好的，攝於2019的姐妹之旅」三人親密地頭貼頭，感情不變，搞到粉絲個個嗌感動，終於都可以見到佢哋合體。