同王浩信合體　陳自瑤避談婚變傳聞

藝人陳自瑤（YoYo）出席好友梁競徽有份投資的鐘錶店開幕活動，對於日前孖住老公王浩信出席周麗淇生日會，似是以行動粉碎婚變傳聞，對此她表示：「朋友生日，喺同一個場合出現好正常。（你哋好耐冇同框喎！）唔需要太震驚。（粉碎婚變傳聞？）你哋再問都知我會點答，其實私人嘢唔想講太多，都知大家好關心我，但唔想回應太多。（但點解同浩信分開企？）唔回應啦！」而原定10月開新劇，但基於劇組時間有調動，預計11月才開工，令她得以有時間陪就讀小四的囡囡開學。