TVB藝人邊個最Nice？呢位視帝排第一名！

TVB藝人多到數唔晒，大家又知唔知邊位最Nice先？日前TVB官方就搞咗個選舉，問咗100位TVB台前幕後，佢哋覺得邊個藝人最Nice呢？答案出爐喇！第一位係視帝陳豪喇，佢得到23票，真係人見人愛！而第二位就係黎諾懿，佢只係差陳豪3票咋！第三位同樣係視帝嘅黎耀祥，有16票咁多！另外4至6位，分別係陸浩明、薛家燕同埋馬國明。呢6位藝人可能係Nice中之最呀！

拎到第四名嘅陸浩明都好開心，喺社交網謝票留言：「你哋真係太Nice，多謝晒台前幕後嘅同事！大家太客氣啦！」