藝人江伊晴與丈夫蕭唯展出席寵物活動，江伊晴正式通知大家改回名字江若琳。見二人消減不少，蕭唯展形容自己曾一度「放棄」，而近期與太太拍住上，每日至少跑5公里，短時間內已成功減去20磅。江若琳大爆老公軼事：「佢本來中年發福，又畀醫生驗到高血壓，所以咪積極減肥囉。」

本月30號生日的江若琳，坦言不會大肆慶祝，事關有煩心事。問到是否經理人合約官司殺到埋身？她默認說：「希望11月左右可以解決，跟住重新出發。前後經歷咗7年，不過凡事都有兩面睇，例如我嫁咗個好老公，同埋將自己嘅興趣變為事業，開設貓酒店。」

她又形容這段日子學曉凡事平常心：「其實間中都有劇本搵我，件事完咗有啱就拍，可能嗰日會將啲經歷寫落首歌。（仲敢唔敢簽公司？）No,Thanks，不過隨緣啦，所有嘅嘢個天會安排畀你㗎喇。（生B沖喜吓？）唔想下一代同我一齊面對壓力，係都等所有嘢結束先。」