邊個咁大膽？張敬軒招魂式呼喚慘被無視：睬你都有味

歌手張敬軒有「皇上」之稱，照計就可以呼風喚雨冇人唔敢聽佢話，但點知竟然有「人」夠膽無視佢，究竟係邊個咁大膽？

之唔係佢隻愛貓「叻Li」囉！軒仔笑言「我嘅招魂式呼喚抵唔上『遮遮』拎住兜唔關佢事嘅嘢食行過，睬你都有味」，竟然會輸咗畀「遮遮」，叻Li眼尾都冇望過軒仔，就連佢都認輸咁話「介紹番，我個主人」！咁又係嘅，係小動物面前，個個都變晒奴才，網民都笑言：「縱使你在外有萬人追捧，但屋企嘅貓狗都唔理吓你！」、「你主人唔理你呢個鏟屎官?」、「皇上你退下吧！」