「胸」群而出撼無綫！索女兵團射爆MIRROR

ViuTV連推多個水上節目谷收視，繼上次搵外援E Cup網紅蘇小小（Zoe），「倒奶」對撼無綫嘅「魔鬼胸」蔚雨芯，昨晚（11日）就以水上遊戲節目《水著考有Feel》，應戰無綫兩套劇集《七公主》及《智能愛人》大結局，除派出人氣男團MIRROR及ERROR打水戰，仲特意搵嚟一班索女擔任「試玩女團」，泳衣上陣晒身材大派福利。

最有睇頭嘅就有「身材女王」鄭杞瑤（Kylie）及「美女學徒」陳紫芊（Elsie），其中Kylie「中門大開」騷「水滴胸」，Elsie亦谷出3吋長事業線，相當有睇頭。Elsie接受東網訪問，講到拍攝時太忘形，根本冇在意身材及妝容：「我諗女仔最驚都係啲水整到個妝花晒，但玩團體遊戲嗰陣，我游水去搶隻公仔，成個頭濕晒，同埋啲化妝品都甩咗好多，好彩最尾搶到，所以都好開心。」