張天賦新人獎鬥Edan冇壓力：唔同人比較

歌手張天賦（MC）出席活動，吸引大批歌迷到場支持，期間唱歌並與粉絲玩遊戲，又幫女粉絲着衫及戴頭飾，引起全場歡呼尖叫。講到他謂要減肥，他笑言參加《全民造星II》後肥了7、8公斤：「因為節目嗰陣有控制飲食，希望可以去番之前咁，但距離目標嘅63公斤仲有6、7公斤。（你平時好為食？）都係，好鍾意食消夜，所以依家要戒糖同澱粉質，都有做gym。」

而講到粉絲想睇他跳舞，他笑言：「因為應承咗粉絲，如果有機會跳畀大家睇，不過依家都仲未開始學。（你手腳協唔協調？）都協調嘅，只係我記嘢太慢，同唔係太多經驗。」

至於講到有指他是人氣男團MIRROR的Edan爭奪年尾樂壇新人獎的勁敵，他表示：「都唔會有太大壓力，我不嬲唔同人比較，想做好自己音樂先，有獎係bonus。」問到可會出多首歌造勢？他透露今年會再出多首歌，4首歌都會不同感覺。