丁子朗周嘉洛透三角泳褲　向陳百祥致敬！

今年港姐司儀陣容有鄭裕玲、錢嘉樂、陳凱琳、丁子朗以及周嘉洛，其中錢嘉樂與陳凱琳有少少甩嘴，周嘉洛則有點不自然，說話似「背稿」，更將「參加」說成「參瓜」。周嘉洛與丁子朗在泳裝環節中，向2003年做港姐司儀時以「泳褲Look」上陣嘅「阿叻」陳百祥「致敬」，齊齊穿上喱士透視裝透出三角泳褲亮相，十分搶鏡。期間大會鏡頭對準周嘉洛及丁子朗，由下而上的拍攝，就連鄭裕玲也大搞氣氛，搞笑的刻意向他們上下打量，而穿上透視裙、變成為「透視丁」的丁子朗，明顯有點不自然，全程硬軚。

丁子朗和周嘉洛玩泳褲Look，即引起網民瘋狂討論，有網民笑指丁子朗比阿叻着得更好看，但也有網民直指兩位當事人十分尷尬：「丁子朗着得好睇過阿叻，淨係個樣都已經靚仔過阿叻！」、「喺呢個場合，係咪唔應該咁着？好尷尬囉！」、「做咩啫你？好地地搞成咁！好核突！」