12年後《刑警》Reunion為胡定欣慶生！宣萱黃日華唔識老

視后胡定欣日前40歲生日，圈中朋友多嘅佢獲唔少好友排隊同佢慶生。今次就到王浩信、宣萱、黃日華及梁競徽等人，呢班舊拍檔2009年拍攝無綫劇集《刑警》，原來唔經唔覺已經相隔12年，如今再次reunion，感覺就好似尋日發生，個個冇老之餘，依然活力充沛，飲到面紅耳赤，非常盡興。

胡定欣將飯敍照片放到社交網與眾同樂，並留言：「點解影咗兩大頁相，大部分都笑C左，得一張係正經 （醉前影）因為開心，因為珍惜相聚！“ 我哋可唔可以永遠都係咁?! “」仲加上「期待齊人再聚過再笑過」、「相睇一次笑一次」，睇嚟大家一玩得好開心。