關楓馨輸得心服口服　關禮傑Book定酒店慰勞

港姐關楓馨昨晚（12日）雖然狀態不俗，但最終都只能入到5強，3甲不入令網民大感失望。關楓馨賽後表示輸得心服口服，更指父親沒有失望，事後更準備慶功宴給她。原來身為父親的關禮傑真的一早為女兒作好準備，今日他接受東網訪問時坦言對女兒的表現相當滿意，更笑言現時正「歎世界」，他說：「我哋一家四口Book咗兩晚酒店Staycation，呢2個幾月阿女都辛苦嘞！等佢鬆馳、Relax吓！尋晚返到酒店都有同佢傾偈，佢好開心呀！放下心頭大石咁！我自己都放鬆晒，依家期待緊自己套新劇《我家無難事》，今日首播喇！希望大家鍾意。」