吳彥祖變髮回春踢走佬味　靠做Gym紓緩膝痛

男神吳彥祖自從2019年經歷大病一場後，狀態時好時壞，一時獲讚回春，一時又被彈現老態，即被笑指係顏值過山車。不過佢亦未有鬆懈，一直堅持好好操練，呢日佢喺社交網大晒多段做運動片段，大玩健身球、舉啞鈴等，佢留言透露原來做Gym除為咗操弗Body外，最主要係20年前膝蓋受傷而造成舊患，至最近膝蓋半月板位置再次出現痛症，全靠做穩定性運動紓緩痛楚。而早前被指換上「清裝頭」嘅佢，將前陰放下後成功蓋住髮線減走佬味。