細細粒事業心重！鄺潔楹再投資開健身室

藝人鄺潔楹（Judy）今日（13日）出席無綫新劇《四十二章經》的拜神儀式，以劇中前衞爆炸頭兼一身螢光綠色的造式現身，極有玩味感！她笑謂本來真的諗住去電爆炸頭，惟髮量不夠、又怕不連戲，故最後決定駁上假髮，營造豐盈感覺：「每次都要用個半鐘去駁髮，依家頭髮多到要撥開先聽到人哋講咩，跟住仲要化呢個雀斑妝，其實本身自己都有雀斑，但導演嫌唔夠再加，呢個造型簡直係走在潮流嘅尖端，係今年嘅突破！」

她透露角色是點穴及輕功能手，有大量威吔戲份，令她有點擔憂：「練咗3個月都未試過戴住假髮練，擔心做後空翻會扯甩假髮，然後再扯埋啲真髮！」另外，講到經營網上曲奇店做老闆娘，Judy指投資了5位數字，希望明年可以進駐商場開實體店；繼而她再爆之後會偕伍富橋等人合資7位數開健身室，笑問是否要做小富婆？她卻笑說是要做事業型女性：「我個子雖小，但事業心非常龐大！」