戒糖多年！唐貝詩出生酮月餅終於有口福

藝人唐貝詩（Lydia）、陳雅麗（Allie）及蔡頌思老友鬼鬼，3人近年合作生酮食品生意，Lydia坦言自從開始生酮飲食後，發覺健康不少：「我每日好早起身，但唔覺得攰，我以前乜都食嘅時候會好易攰，而且冇咁易水腫。」

Lydia為減肥要控制飲食，不過Allie就剛好相反，她自爆之前為拍劇上鏡更好看而減肥，怎料減過龍，被劇組勒令增肥：「其他演員食健康餐，我就食梅菜扣肉飯，同劇嘅黃又南話我咁食好離譜，我真係未見過一個女演員喺現場食梅菜扣肉飯，我話我係攞正牌增肥。」

講到近況，她們透露自家品牌最近推出生酮月餅應節，戒糖多年的Lydia終於可以大飽口福：「以前中秋只可以睇住屋企人食月餅，今年自己都有得食，好幸福，個產品係蔡頌思負責研發，因為佢烘焙經驗好豐富。」