使得其所!中秋Shopping勁掃優惠

20210914
東網電視
更多新聞短片
經歷了疫情,遇上佳節,特別想親友相聚,中秋節話咁快就到,不妨為親友送上一份好禮,又或食餐好感受久違的親密節日氛圍。不過,錢銀的事,當然是使得其所、使得開心會更佳,適逢不同商場都推出消費優惠,大家要立即精明眼上身啦!
【1折快閃換好禮】
Shopping最開心係有折!由即日至9月22日,荷里活廣場推出「中秋‧有禮1折快閃禮遇」期間限定換領活動,VIC會員可以憑低至1折的積分及即場捐款HK$20來換領一系列的應節禮品,禮品包括食品套餐或禮盒、月餅禮盒、現金卷等等。此外,9至10月還有買得多賺得多的「積分Double賞」及「最高消費購物賞」,即日起至11月30日更有「嚐美食.賞好戲」活動,指定食肆食滿HK$30、憑發票購買戲飛即減HK$20,出示即日票根到指定食肆再有額外折扣優惠,人人適用。即日起至10月31日期間的星期一至四,只要出示燈籠照片,更有1小時免費泊車呢!
【滿HK$1,000贈$550】
購物有回贈,通常令人愈買愈多,由即日至10月10日又一城的「My Shopping FESTIVAL購物禮遇」, My FESTIVAL會員以信用卡、扣帳卡、易辦事、八達通卡或銀聯卡於即日消費滿HK$1,000或以上、並出示有效My FESTIVAL電子會員號碼,即可換領HK$50又一城購物禮券乙張及HK$500又一城指定商戶購物券乙套,即日消費滿HK$4,000(最多可累積四套即日收據,每張收據須最少為HK$1,000或以上),更可額外換領HK$500又一城指定商戶購物券四套,合共回贈總值HK$2,550。
此外,美國運通卡會員購滿HK$1,000亦有HK$50禮券回贈及每HK$1簽帳可獲享額外5美國運通積分獎賞,兩個會員優惠仲可以同時使用呀!
【最高100%消費回贈】
如果你準備大額消費的話,ELEMENTS圓方會有高達100%回贈。由即日至9月26日,ELEMENTS Club會員及「圓方之友」以電子貨幣即日單一消費滿HK$2,000,即可享總值HK$2,000獎賞;消費滿HK$6,000,亦可享50%基本回贈,總值HK$3,000獎賞;消費滿HK$60,000,可享總值HK$30,000獎賞。不同面額的禮券適用於不同商戶。此外,還有不少商戶提供中秋餐飲限定優惠及送禮之選,如晚市用膳獲贈限定月餅、優惠價換購及各款月餅禮盒等。