冇遺棄愛犬！Cara G.返澳洲定居　人狗團聚興奮爆喊

名模Cara G.多年前來港發展，不過原來佢一家五口已返番澳洲定居生活，但其實係一家六口至真呀！曾喺香港領養咗大型犬隻Roxy嘅佢，絕對冇遺棄愛犬喺香港，日前Roxy終於順利抵達澳洲，佢哋總動員出動迎接呢位家庭成員，一家人終於團聚，Cara G.同囡囡都開心到喊，非常感人！之後佢哋又帶Roxy去草地同沙灘玩，人狗都笑得好開心！真係絕對係做主人嘅典範，養寵物真係一世，移民都記住帶埋佢哋走，唔好漏低佢哋呀！