《紙房子》Tokyo一炮而紅 如何蛻變火辣女神?

2021年09月14日 10:09
東網電視
更多新聞短片
人氣西班牙犯罪電視劇《紙房子》(Money Heist)第5季現正熱播,不過今季分為上下集,先播出5集,要等到12月3日先有得再追看,一眾「紙迷」大呻唔夠喉。而且尾段仲講到女主角「Tokyo」Úrsula Corberó陷入險境,就咁似係凶多吉少,唔少網民大嘆好可惜,咁正嘅索女竟然就咁死咗!
劇集緊湊又刺激,明白影迷會過份入戲,不如先抽身返回現實。其實戲外嘅Úrsula同樣值得留意,現年32歲嘅佢外表冷艷、擁有火辣身材,崇尚自然愛裸體,不時晒出S形身段派福利,盡騷東西半球兼蜜桃臀,成為唔少男士心中嘅女神,社交網吸納超過2,300萬人數追蹤,人氣高企。
昔日嘅佢可以話與時尚扯唔上關係,中長曲髮配休閒服裝,感覺係普通嘅鄰家女孩。隨住髮型變化開始顯得型格,為《紙房子》角色剪咗齊蔭Bob頭,個性魅力出晒嚟。第3季轉換新髮型,短版狼尾頭更顯時尚感,並獲各大品牌賞識成為寵兒,贊助靚衫任着,蛻變成今時今日嘅女神。不過女神已名花有主,同阿根廷演員Chino Darín拍拖多年感情穩定,不時放閃晒恩愛。