港普累事！鄧紫棋被誤會講錯嘢　爆Seed晒「獅吼功」

歌手鄧紫棋（G.E.M.）最近喺內地節目中演技大爆發，佢同一班主持喺度對劇本嗰陣，喺演繹一段激動情節時七情上面，非常入戲！佢仲喺情急下唔小心大晒「港普」，佢本來想話自己係弱質女流，點知講到變成「懦紙女牛」，惹嚟大家誤會之後，佢覺得自己好冤枉，1秒即變臉覺得好委屈，當佢被糾正之後講咗好幾次都講唔到，變得相當激動大晒「獅吼功」反擊，直頭想震穿坐喺佢隔籬個主持人隻耳仔呀！霸氣十足嘅佢仲自稱係弱質女流，其他主持人都話佢一啲都唔弱呀，認真搞笑！

不過唔少網民都為G.E.M.平反，覺得佢啲普通話喺咁激動之下講嘢，都大致聽得明佢講乜，已經好唔錯，仲大讚佢激動起上嚟個樣好可愛添！