負聞無損女神地位!歐陽娜娜扮Cute化身動漫主角

20210914
東網電視
更多新聞短片
台灣女星歐陽娜娜雖然近期負面新聞不斷,但無損佢喺廣告商心目中嘅地位,邀請佢擔任家品代言人,仲同埋人形大熊貓一齊拍廣告。21歲大個女嘅娜娜,今次唔再騷性感body,轉賣可愛,紮咗個丸子頭,着咗熊貓旗袍大玩中國風,個造型就似啲動漫女主角咁,好pure好true好得宅男喜愛。
娜娜工作室上載廣告花絮片,見到娜娜似乎好鍾意熊貓呢隻中國國寶,不時投懷送抱,又攬住熊貓條腰,突然又捉住熊貓個頭,要面貼面影合照,爭在未肉緊到咀嘴,啲網民見到娜娜咁主動又熱情,都忍唔住大叫佢唔該快啲好放開隻大熊貓,由佢哋嚟頂上!