同歌神張學友比人氣成箭靶　姜濤呻少男心事：冇人關心我

歌神張學友前晚（12日）現身港姐決賽成全城焦點，15分鐘Mini Concert咁聽出耳油，仲衝出香港登上內地熱搜榜，有超過2億閱讀量，就知歌神魅力驚人。不過人怕出名，有網民無厘頭將學友同新生代人氣男團MIRROR比較，直指唱將Jer（柳應廷）係「新歌神」，又稱姜濤人氣更勝學友，點知就疑似搞到偶像唔開心喇…

姜濤今日（14日）凌晨一連出咗10幾個Post，大呻少男心事，直言因為冇人關心佢嘅音樂而令佢自我懷疑，成日成為被比較嘅標籤，仲搞到佢驚咗同人接觸、變得冇禮貌：「我知道你們可能總是抱怨我在公開場合笑得比較少，我也不知道我從甚麼時候開始變成這樣，開始變得害怕跟別人接觸，對身邊的工作人員似乎也沒有以前那麼有禮貌了。新聞也總是報道一些有的沒的，似乎沒有人會關心我做的音樂，似乎我只是一個被比較的標籤，和隊友比較也好，和所有人比較也好，漸漸的我真的被這些影響了，我也開始對身邊的人感到懷疑，對你們感到懷疑。」睇嚟粉絲愛男神心切，但係就搞到男神心情被影響，連笑容都少埋。