陳凱琳成港姐決賽「漏網之魚」 晚裝原來暗透波底!

2021年09月14日 12:03
東網電視
更多新聞短片
《2021香港小姐競選決賽》前晚圓滿舉行,冠軍由熱門佳麗宋宛穎奪得,而當晚亦搵嚟前港姐冠軍陳凱琳做主持之一,鏡頭畫面位位索女,確係養眼。而為老公鄭嘉穎誕下兩個寶貝仔嘅陳凱琳,當晚真係弗到加零一,幾乎瘦過一眾佳麗,而佢更以半See Through晚裝上陣,華麗高貴閃爆,唔講唔知原來條裙仲有「玄機」。
見陳凱琳喺社交網一口氣上載多張合照,分別同丁子朗、宋宛穎、張秀文等集郵,張張相都鬼火咁靚,而獨照佢就更有發揮,一嚟就展示大露背,皮膚白滑不特止,佢仲晒出近鏡寫真,認真一睇先見到原來胸口暗暗開窿,中間仲透出西半球,真係估佢唔到!