《智能愛人》仲未完！「阿寶」李佳芯竟同MIRROR有關？

無綫劇《智能愛人》於上周六（11日）大結局，飾演機械人「阿寶」嘅視后李佳芯（Ali）同陸永大團圓結局，其中Ali嘅演技再獲網民肯定，力讚佢隨時再有機會封后！雖然劇集已大結局，但原來Ali有個隱藏身份，仲要同MIRROR有關，究竟點解？

喺劇中以丸子頭上陣嘅Ali，神情學足機械人咁唔可以有太大變化，笑容僵硬得嚟又要有「人」嘅感覺，望望吓佢，好似一個人，嗰個人就係MIRROR嘅肌肉擔當兼金句王Alton（王智德）喇！將兩人面容對比一下，發現「阿寶」眼同嘴都同Alton好相似，特別係笑嘅時候！而不時被網民指似女仔嘅Alton，就恍如女神Ali咁，唔少網民都直言睇《智能》就好似睇緊Alton演出咁呀！