星媽講開學︱何嘉莉享受工作 趙頌茹:係一個抖氣機會

2021年09月14日 16:03
東網電視
更多新聞短片
媽媽級歌手何嘉莉、趙頌茹(阿Yu)、谷祖琳、楊張新悅等出席公開活動,談到將齊齊參與11月舉行的演唱會,眾人不同而同表示期待,自嘲出道以來僅得幾首歌的阿Yu,表示從未開過個人音樂騷,所以有意向經驗較多的何嘉莉學習。楊張新悅則透露20年來從未有一個屬於自己的演唱會:「以前唱歌唔叻,冇機會喺台上有自己嘅表演,最多都係喺酒吧唱,好開心有呢個機會。」
而為配合演出,大會把眾星的經典歌重新編曲,下周將上載網站給樂迷聽,阿Yu不諱言重新編曲後的歌曲感覺清新:「以前流行K歌,編曲會激情啲,依家就可以輕鬆啲。」何嘉莉則表示喜歡新版歌曲,因為較摩登,切合當今年代。
提到小朋友已開學,作為媽媽是否可以輕鬆些?何嘉莉表示:「佢哋返咗學都有唔同嘅忙,所以做嘢可以叫做調劑吓!」而阿Yu就笑說:「做嘢係一個抖氣機會,平時對住啲女要身教,但本身我都係細路仔,又唔可以喺佢哋面前表現,到做嘢嘅時候,自己就可以年輕晒囉!」