魏駿傑患抑鬱瞞住個女:唔想令佢擔心!

2021年09月14日 16:10
東網電視
更多新聞短片
藝人魏駿傑、黃建東、蔡頌思及阮德鏘等,今午(14日)為下月舉行的14場舞台劇《老公~你好悶呀!》進行綵排。魏駿傑自1990年加入無綫拍劇後,已有31年沒演出過舞台劇,他坦言一直有舞台劇戲癮,當問到為何未有再演?他坦言:「多謝無綫當年嘅栽培,令我放低咗舞台劇,邊可以請假幾個月出去排戲呀?(推咗啲舞台劇演出?)係,唔只一次添。」今次扮演落難紳士,他坦言正努力減肥,目前約180磅的他,希望正式踏台板時,可減多10磅:「我有信心嘅,到時會gel晒頭、着晒西裝,驟眼睇唔覺得肥。」
至於日前他接受電台節目訪問,自爆曾患抑鬱想自殺,魏駿傑表示目前已冇大礙:「當時經歷咗社會運動,疫情期間健身室又關門冇得健身,個女冇得返學要上zoom,困喺屋企,我又冇工開,後嚟睇醫生,食咗幾個月藥。」他坦言患病期間一直瞞着個女,不想令她擔心,幸好醫生指他情況不算太嚴重。
他又指11歲女兒就讀6年級,自己每天綵排完便返家教功課及陪溫書:「希望佢順利升讀到原校,否則會安排佢去北京升學。(佢肯?)肯,但要我陪住佢。」他坦言希望盡快通關,可返回內地接工作:「依家唔得,點放心放低個女?(前妻幫手?)佢會,佢都好錫個女。(你哋依家關係點?)好好,有溝通,嬲人好辛苦㗎。」