唔係菊梓喬︱手拖手深情對望　吳卓羲終於公開「戀情」

藝人吳卓羲早前突然驚爆戀情，事緣佢喺社交網公開發文Tag咗歌手菊梓喬（Hana），即惹來外間揣測公開戀情，事後佢澄清只係一場誤會，否認拍拖。不過今日（14日）網上再流出吳卓羲嘅「濕身親密」照，甚至有拖手相，唔通今次「真．官宣」？

其實佢正與好友黃宗澤（Bosco）為新劇《廉政狙擊》開工，2人出外景去到海邊時，即一時興起喪影合照打卡，更大玩「HeHe情」，先深情對望，之後吳卓羲用手扶實Bosco後頸，作勢扮錫錫幾乎鼻貼鼻，又手拖手相當「浪漫」！Bosco留言笑指：「好好的一張照片，我們為甚麼要把它惡搞成這樣呢？」吳卓羲接受東網訪問，對於與Bosco「公開戀情」，佢話：「雖然係兩個男人，去到一個有得睇日落同浪漫嘅地方，我同Bosco熟到咁，我覺得純粹係美感！」