拍《梟雄》期間畀女飛　黃建東憶分手經歷入戲

藝人黃建東主演舞台劇《老公～你好悶呀》。劇中飾演律師的他，打趣角色性格比較閃縮為人保守，感覺很像他爸爸，故以對方作為藍本參考。他表示最初接到劇本，本以為是喜劇，但原來知道都有喊戲：「我同劇中太太有鬧交戲。（點入戲？）諗番當年自己返內地拍緊《梟雄》，期間同我拍咗6年拖嘅女朋友突然間短訊我，話要分手，我即刻打畀佢傾囉，唔可以就咁算。」最終對方依然去意已決，令他心碎。

談到其弟近日求婚成功，黃建東透露對方計劃12月便註冊：「佢本來想低調處理，但我同媽咪希望插手搞大佢。（打算送咩賀佢結婚？）未諗到。（送酒席？）可以考慮，但其實佢每年生日，我都會封4位數大利是俾佢，反而到我生日佢就冇表示。」