岑麗香連環晒床照 皮膚白滑靚到反光

2021年09月14日 18:01
東網電視
更多新聞短片
香香好可愛。
藝人岑麗香雖然已為兩子之母,但照樣Keep住童顏,呢日佢就喺社交網上載喺床上嘅素顏自拍片,見啱啱起床嘅佢依然零水腫,而且皮膚零毛孔,白裏透紅兼有光澤,果然保養得宜!
除咗外表保持年輕外,佢心境都一樣童心未泯,佢晒另一張獨照,見佢發揮可愛本色,成個人坐入大紙袋中,即時變得嬌小玲瓏,十足小妹妹一樣,佢仲高舉V字手勢,表現興奮。好友鍾嘉欣即大讚佢可愛,而湯洛雯就笑指香香似足自己家中嘅貓貓,都係咁鍾意玩紙袋。