港姐決賽要開工　胡楓翻Loop契仔張學友表演

藝人薛家燕、胡楓（修哥）與博愛醫院董事局主席李柏成今午（14日）出席「博愛長者夢想成真・耆樂之聲歌唱比賽2021」午宴。修哥指中秋節將與家人度過，但亦要開工拍劇：「拍《童時愛上你》，有嘢做我就開心，可以同老友見面又可以同班後生傾下偈，心境年輕病痛都少啲。」他指剛過去港姐決賽當晚也在電視城拍劇，只能於化妝間內電視中欣賞契仔張學友表演，大讚他歌聲悦耳，有時間一定會翻看。

家燕姐指活動好有意義，她説：「聽過好多老友記唱歌都好好聽，但就冇平台畀佢哋發揮，今次佢哋終於有機會可以報名參加啦。」她又興奮表示應屆港姐冠軍宋宛穎曾是「家燕媽媽藝術中心」的學生：「差不多10年前，佢嗰陣好細個，好鍾意跳舞又好想喺電視表演，我都唔記得咗，係佢同傳媒提起我先記得，佢愈大愈靚女，戥她高興。」家燕姐指中心不是為賺錢，會繼續栽培新一代演藝人。