塊面白到發光!迪麗熱巴變白絕招大公開 原來全靠…

2021年09月14日 20:02
東網電視
更多新聞短片
靚到飛起嘅內地女星迪麗熱巴,最近就接咗個內衣代言人嘅新Job,不過較令人失望係,嗰啲內衣唔係坦胸露臂、有事業線睇嘅胸圍同底褲,而係睇見都熱嘅保暖衣。好在冇咗個橙都有番個桔,啲粉絲惟有開始研究佢件內衣有幾貼身,由佢對43吋長腿開始,逐吋向上scan,發現佢身材very good,有前有後,仲有可以放舊番梘嘅誘人鎖骨。再望上啲,佢塊面白到發光,原來有指唔關塊反光板事,其實同牛奶有關。
佢話自己嘅護膚心得係將牛奶外敷內服,每日朝早會飲一杯牛奶,再用溫熱嘅牛奶洗臉,日子有功下,包你白過蛇精。除咗飲奶外,仲要唔可以懶,勤搽防曬係常識,仲要早晚最少敷2塊面膜,又係努力敷面膜,哦!原來熱巴都係「面膜達人」范冰冰個friend嚟嘅,唔知佢有冇張栢芝咁幸運,可以收到冰冰姐姐送嘅自家品牌面膜呢?