睇好《聲夢》冼靖峰!泳兒爆人前人後兩個樣

2021年09月14日 23:01
東網電視
更多新聞短片
英皇歌手泳兒(Vincy)之前擔任無綫節目《聲夢傳奇》的導師,Vincy笑言最大的體會是講了一世的話:「因為一定要講,唔係點教佢哋,同埋我真係會做功課,收到佢哋要唱咩歌,自己會寫低notes,而且當我同人分享時,我都可以吸收番佢哋啲嘢。」她又大讚一眾學員很厲害,問到睇好誰?她笑言要私心讚自己教過的學生:「Archie(冼靖峰)幾有heart,我初初唔係同佢接觸好多,因為佢比較靜,但原來私下幾funny,同feel到佢係好勤力,佢唔會表露佢做咗好多嘢,但原來返到屋企花咗好多時間去練去諗。另外深刻就係Yumi(鍾柔美),佢學嘢好快,隔咗個晏晝綵排就做到你叫佢做嘅嘢。」她亦大讚沒有教過的炎明熹(Gigi):「佢好有潛質。」
她開心現時樂壇百花齊放:「依家好多公司都有crossover,我覺得係好事,良性競爭。」她亦想與幾位導師再合作:「呢幾個月見到大家都好緊張,大家要教學員,輸咗就要衝入去同佢打氣,張大合照都係最尾嗰日先有得影,都冇乜機會交流,所以希望可以有啲合作。」
剛推出最新「海洋」系列的第一部曲《荊棘海》,與之前的「溝渠」系列有關聯,泳兒說:「溝渠自己一個人,但始終都要行出大海,人生大大小小事情係荊棘,可能係傷痛、辛苦,但亦可以令人更堅強。」問到她人生面對最大的荊棘可是媽媽早年中風?她坦言:「都係人生一個大難關,呢個荊棘都牽連好多其他荊棘。」她當年就因此搞到失聲,影響事業。
她表示最後憑住信念,一步一步搵解決方法及身邊朋友幫手,自己心態上都要變得堅強,才能拆解重擔,但她亦坦言試過捱不住崩潰爆喊:「發洩吓就冇乜嘢。(男友一直支持你渡過難關?)佢都係嘅,有個人係身邊依靠吓,就算實際上佢唔係醫生幫唔到,但情緒上佢都係好嘅傾訴對象。」
服裝:Amelie Street
場地:Coffeelin