莫鎮賢為疫情「壯士斷臂」 專心搞好演唱會

2021年09月15日 09:03
東網電視
更多新聞短片
歌手莫鎮賢(Kan)忙於為下個月演唱會排練,但要為母親的視網膜手術擔心,又為自己激素臉復發而煩惱,他說:「每次一復發成塊面會潰爛,早1、2年有次上《流行經典50》演出,演出前一日就復發,搞到要臨時搵人代我唱。」今次演唱會他邀請了兩位嘉賓,分別是韋綺姍(Rita)及何婉盈(Elaine),他同Rita都是「新秀」出身,但Rita比他早幾屆,他笑言兩人好有緣分,是同月同日生,以前讀書及初出道唱騷時,他偏好唱英文歌,而Rita同樣擅長唱英文歌,不過今次演唱會,他就會將經典英文歌一Part交畀Rita負責。
他為演唱會的歌目都好頭痛,除了必定會唱師傅羅文的歌,也有2部分medley會唱張國榮、梅艷芳的歌,今次特別搵Elaine做嘉賓,他坦言好喜歡呢個女仔,他說:「佢好似妹妹嘅感覺,之前我哋9男女合作過開騷,我覺得佢好堅強,除咗照顧自己小朋友,又好Take Care身邊嘅朋友,個性又開朗,真係幾喜歡佢。」
Kan本身擁有自己的製作公司,以前他的演唱會都由自己一手一腳製作,但今次他學乖了:「我將啲嘢分晒畀專業人士去搞,依家真係冇咁好精力,真係要學識放手。」除了製作公司,他亦有手袋品牌生意,但因疫情,他將內地兩間公司暫時關了,他說:「年初我返過內地一次,隔離咗21日,始終要壯士斷臂,依家喺香港我將兩盤生意嘅地方變咗教室,等疫情過後先再啟動番我製作嘅工作。」