倪晨曦回歸模界行騷　撥開裙襬執生變晒股

索模倪晨曦（Elva）雖然生咗囝囝Virgil，但索味無0減，身材仍然弗爆！日前佢喺一個時裝騷活動為好姊妹擔任Model，着起由對方設計嘅靚裙行Catwalk，大露美背之餘，性感嘅「絕對領域」又若隱若現，一出場甚有氣勢！

期間當Elva停低再想行前之際，佢發現闊大裙襬被Kick住，面對特如其來嘅小意外，見慣大場面嘅Elva不慌不忙，淡定耷低頭撥開裙襬執生，萬萬想不到呢一撥仲不經意大晒美股，呢招「股」惑火辣指數爆燈！之後Elva確保前行無阻再出發，順利完騷後出Post大讚好姊妹才華洋溢，仲話可以為對方實現夢想係佢嘅榮幸！