戴祖儀搞《男兒當入樽》Medley成集體回憶：起晒雞皮！

藝人戴祖儀外形相當「女仔」，但骨子裏性格亦有豪邁一面，有時嗜好甚至與男生相若。近日她便於社交網晒出一條短片，身處籃球場上演繹日本經典漫畫《男兒當入樽》幾首歌曲串成的Medley，驟眼一看已感到當中的熱血及製作認真，祖儀開心表示：「我其實一向有班同伴，大家都好鍾意拍片錄音，但今次嘅製作係最多人幫手、用咗最多製作費嘅一次。我本身好鍾意《男兒當入樽》，絕對係自己嘅童年回憶，聽到個名已經起晒雞皮！（你唱日文字正腔圓喎。）我唔識日文㗎，係靠羅馬拼音去練習，死背爛背咁囉。」

今次為配合畫面需要，祖儀更邀來大批學界小鮮肉幫手：「佢哋真係打緊校際籃球嘅，為咗圓自己嘅熱血夢，第一時間就諗起佢哋，希望大家聽歌之餘都會留意吓呢班明日之星啦。」