屢傳大肚封口唔提婚訊 陳喬恩暗巷偷食斷正

2021年09月15日 12:03
東網電視
更多新聞短片
台灣女星陳喬恩與細9年嘅馬來西亞富二代曾偉昌自擦出愛火花以嚟,多次傳出二人婚訊,佢兩個都好口密封口唔講,反而陳喬恩近年頻頻傳大肚,佢就瘋狂解釋自己係「易胖體質」同着衫方式否認,但弊在佢次次都好好火咁開炮否認,明顯唔滿意被笑自己身材走樣。不過日前佢又被台灣傳媒直擊孖男友外出食飯,身形繼續圓潤,衣着寬鬆加平底鞋,孕味有增無減,加上佢邊行邊扶腰,確係好易令人懷疑。
不過今次二人行到去暗巷一間網紅餐廳開餐,下盤穩健嘅陳喬恩就多次指自己係「吃得太誇張」,自知要靠減肥去打破懷孕傳言,因此佢同男友用餐都好克制地只食Salad做健康餐,似乎都怕咗畀人笑。二人一直坐到去晚上11點幾先走人,去停車場攞車時,陳喬恩就被拍得側身小腹微隆,真係唔知佢今次係食多咗定真係有咗呢?