蔡一傑遭冒名開假帳號：有人用我名義招搖撞騙

騙徒出沒請注意！今次受害者係藝人蔡一傑！蔡一傑成日拍片做「教煮」，吸吸埋埋有唔少粉絲，有騙徒有見及此，就冒蔡一傑名開咗個假社交網帳號！

蔡一傑喺社交網提醒大家要小心，又上載假帳號嘅截圖提醒大家，佢留言：「請注意大家要小心，最近有人用我嘅名義去招搖撞騙，可能會攞咗你哋嘅私人電話號碼，又或者騙財，又或者還有其他，大家要提高警覺，因為我啱啱有一個朋友以為是我聯絡佢，所以他和對方傾了很久，你不知道這些匪徒最終的目的是甚麼、所以大家要小心不要接任何不明來歷嘅電話，或者交友等等！」大家真係要小心喇！