張晉《棘哥》變萬人迷　蔡少芬半夜頭貼頭食麵慰夫

藝人張晉近日喺內地Hot爆真人騷《披荊斬棘的哥哥》大受歡迎，又唱又跳又耍功夫，真係一秒都唔停得，更成為節目入面「哥哥們」爭住合作嘅對象，搖身一變萬人迷，冧掂「哥哥」又冧埋觀眾。

唔知係咪張晉日益出位，老婆蔡少芬都好有危機感，忽然喺今日（15日）凌晨晒出同老公頭貼頭食同一碗麵嘅「插旗」相，為自己「正印」地位行得更穩，睇到網友夜麻麻嗌餓，仲大讚佢兩個夠晒煙韌，睇見都羨慕！