港姐︱宋宛穎細個已有冠軍夢 威水帶挈薛家燕生意

2021年09月15日 13:53
東網電視
更多新聞短片
港姐冠軍宋宛穎、亞軍梁凱晴、季軍邵初與「最上鏡小姐」楊培琳到尖沙咀出席美容領獎活動。宋宛穎與梁凱晴受訪時皆表示小時候已經貪靚,並由媽媽教授護膚、扮靚心得。宋宛穎表示:「細個已經貪靚,4歲已經打耳窿,又係屋企披着塊被扮香港小姐。」梁凱晴亦笑說:「小學媽咪已經教要護膚搽Cream,自己都會貪靚攞媽咪啲唇膏、香水嚟用,仲同妹妹扮香港小姐喺屋企繞場一周。」
宋宛穎曾在薛家燕的藝術學校修讀,她笑說:「細個好鍾意跳舞,好想有機會上電視,所以11歲就叫媽咪帶我去家燕姐間學校度學跳舞。」講到家燕姐指自從她與鍾柔美成名後多了很多學生慕名而來,她說:「希望家燕姐間學校可以繼續培養出更多人才。」