巴掌臉冇人認得 楊丞琳陳妍希姊妹Gathering醫肚

2021年09月15日 14:02
東網電視
更多新聞短片
台灣女星楊丞琳、陳妍希係圈中出名好姊妹,去年佢哋一齊參加內地真人騷《乘風破浪的姐姐2》時,已經多次互爆對方行蹤同閨房事,月初佢哋先搵埋藝人蔡卓妍(阿Sa)喺上海飲嘢,估唔到一轉頭佢哋已經去咗北京,今次又係孖公仔出動去蒲!
有網友晒出兩張偷拍相,指自己去咗間網紅餐廳食嘢,間嘢仲要一早Book定位先畀入,網友坐坐吓先發現隔籬枱竟然係楊丞琳同陳妍希,仲大讚佢哋真人頭同面都好細,不過就似乎冇其他客人認得出佢兩個,位網友都話本身唔想打擾到二人,但最後都係忍唔住手影咗兩張「高糊圖」,笑言希望佢哋唔好介意呀。