黃芷晴中秋做大廚 為家人煮6道餸

2021年09月15日 15:02
東網電視
更多新聞短片
名模Ana R.及黃芷晴到apm出席「apm幻彩光影展記者會」,講到中秋節將至,身穿吊帶低胸裙的Ana表示自己在港住了25年,認為中秋節是與家人共聚的好時機,而因他們住在大嶼山,故中秋節仔女會在沙灘玩燈籠。她又笑言愛食雪糕月餅,其實本身想食雙黃白蓮蓉月餅,但因要節食減肥,故就忍口,亦謂現時小朋友已開學,故輕鬆不少,可以有時間減肥。
而黃芷晴就謂中秋節會與爸爸黃日華、婆婆等家人食飯,自己更會親自下廚:「大時大節都會自己煮飯,今次會煮6個餸,6個人食。」她又笑言每年中秋節都會化身工廠妹,親自整月餅送給親友及爸爸的朋友等:「我有年仲用個有自己名嘅月餅模,今年已經連續第5年整月餅。(會唔會想開網店賣嘢食?)都想,其實我依家都學緊整馬卡龍,1日整3、4次,都希望嚟緊可以開網店。」而講到日前是爸爸60歲生日,問到爸爸生日願望可是希望她拍拖?她笑言:「冇,爸爸好少講,最緊要希望佢身體健康。」