網友偶遇大讚似仙女　劉亦菲反被狠批唔識着衫

內地女星劉亦菲近年頻頻被網友偶遇，尋日（14日）佢就被發現現身北京一個商場行街街，出名仙氣十足嘅佢，今次就着上杏色西裝大褸加鬆身褲上陣，佢仲喺室內戴太陽眼鏡，唔知係咪仲有明星包袱喺物，唔想畀人認得。唔少網友都即時影低女神倩影，大讚佢皮膚白滑夠晒吸睛，加上佢氣質過人，直頭好似係仙女出巡一樣。

不過同時亦有網友大彈佢衣着唔多掂，全身上下都包到成隻糉咁，完全特顯唔到佢嘅身形，仲要顏色配搭好老土，除咗個樣見得人，網友彈佢嘅打扮真係毫無星味。