劉沛蘅見字飲水 每日飲2公升!

2021年09月15日 18:02
東網電視
更多新聞短片
藝人劉沛蘅(Hillary)入行多年以來,依然保持着不老童顏,不過天生的包包面卻令她非常困擾,最近正在拍攝ViuTV節目的她,為求上鏡更瘦更漂亮,決心積極減肥與調理身體:「我不嬲食極都唔肥,但之前去咗內地工作,一食就肥咗,可能老咗,新陳代謝都慢咗,肥咗近10磅,依家冇食消食同戒糖,我一直都好鍾意食甜,成日飲檸檬茶,其實好影響身體,依家戒咗,希望可以快啲瘦番。」ViuTV節目拍攝如火如荼,她說:「我哋六個已經熟絡咗,大家都好真實咁相處,又不時互寸,火花愈來愈多,私底下我哋都會約出嚟聚會,Edan最難約,不過佢都好好,會盡量抽時間出嚟。」
早前Hillary為日本神水拍攝廣告,她最近更決心改掉壞習慣,她說:「我依家會每日飲兩公升水,因為我要解決一個問題,我一向唔鍾意飲水,一日唔飲一杯水都得,知道自己係唔健康,有一日見到個好大嘅水樽,好靚,上面寫咗一啲鼓勵字句,買咗落嚟就下定決心,挑戰每日飲兩公升水。」少喝水令她有腸胃的問題:「因為一直少飲水,所以腸胃向來都唔係太好,依家飲番多啲水,覺得自己身體同腸胃都好咗好多。努力工作之餘,同樣都要好好保養吓身體。」