愷樂社交網蒲頭　網友撐重返幕前

台灣舞王羅志祥去年遭舊愛周揚青毀滅性分手，踢爆玩「多人運動」兼與旗下女藝人愷樂有長期不正當男女關係，事後愷樂立即全面停工，只曾在事發後發文向周揚青道歉，以及在去年9月好友黃鴻升猝逝時發文致意，但之後便繼續神隱，至今仍復出無期，甚至有傳佢已秘嫁醫生男友，無意回歸演藝圈。

不過近日就有網友發現愷樂嘅社交網用戶再次「蒲頭」，雖然佢未有出Post，但就點讚好友李國毅太太嘅發文，即引起網民熱議，揣測佢重新使用公開帳號未知係咪準備復出，更表示「其實一點也不反感她，反而很想她呢」。有網民則認為只係一個點讚舉動，與復出無關：「人家按個愛心而已，需要小題大作嗎？」但亦有不少網友支持佢重返幕前：「就算她復出我也不會覺得怎樣，一堆比她嚴重的照樣演戲出通告」、「羅志祥都復出了，為甚麼愷樂不可以？」