王智騫潺仔變壯男 2個月地獄式訓練操腹肌

20210915
東網電視
更多新聞短片
以游泳為題的ViuTV青春劇《i.SWIM》早前已正式開拍,繼MIRROR成員呂爵安(Edan)、邱士縉(Stanley)及新進男神魏浚笙(Jeffrey)落實演出後,曾參演不少電影演出、現年24歲的小鮮肉王智騫(Martin)亦宣布參與拍攝,為迎合角色,Martin最近積極操肌,由昔日的「潺仔」搖身成為六舊腹肌「壯男」,實行走唔打得都睇得的路線。
讀時裝出身的Martin自言向來不太熱愛運動,但因應今次角色需要,2個月來「瞓身」操肌,他說:「今次角色需要望落去有少少線條,游水訓練時見到其他演員都好Fit,感覺上有啲對比,我唔想拖垮人哋,所以即刻去做Gym,每星期操3至4日,主要操胸、膊及腹部,再配合飲食,少糖少油,主要食雞胸、西蘭花、三文魚,總之要低卡低脂。」
自嘲沒有運動天分的Martin又表示:「人哋做Gym可能操幾日就明白啲動作點做,我就要操近2星期先明白。記得初初開始做Gym,做完熱身再去做機,做完真係有啲暈同作嘔,所以初初我都以為自己會唔係好得,但身邊教練嘅催逼下,Keep住撐落去,好彩依家有啲成績。」