小日向優香 F Cup清純天使

2021年09月15日 22:00
東網電視
更多新聞短片
好多人都話小日向優香同女星有村架純好似樣,大家覺得似唔似呢?(互聯網)
近期日本寫真界湧現出好多又靚女又好身材嘅超新星,而且佢哋個樣仲同一線女星好相似,例如石田桃香、安倍乙就被人話同日劇女神石原聰美好似樣,至於今日同大家見面嘅小日向優香又似邊個呢?就係一代清純玉女有村架純喇!
人見人愛
正所謂唔怕生壞命,最怕改壞名,而喺日本寫真界眾多女優當中,名叫優香嘅一定係索女,好似一代經典寫真天后優香,之後又有青春活潑又高挑嘅小倉優香,不過兩位索女都先後退出寫真界,好彩我哋仲有一位超級新人小日向優香!
年24歲嘅佢,樣子甜美,青春可人,面上仲散發出陽光味,同時亦帶有一股惹人憐愛嘅鄰家少女感覺,認真人見人愛!身材方面仲相當吸引,一來肌膚白滑又鮮嫩,已經令人心動,二來玲瓏浮凸,胴體相當具曲線美,而最令人把持不住嘅仲有一對分量十足嘅F Cup美巨乳,質感飽滿,外形圓潤,而且夠堅挺又夠彈性,難怪被稱為「壓倒性之F Cup天使」。
玉女接班人
優香投身寫真界之前,已經係時尚雜誌嘅人氣模特兒,所以拍寫真時舉手投足都充滿魅力。而佢初登場嘅時候,被人稱讚與一線寫真女優中村靜香、川村由紀、磯山沙也加一樣容顏美麗而端莊,令人一見難忘,不過有更多人話佢同藝能界嘅玉女掌門人有村架純好相似,猶如兩姊妹一樣,當然相信大部分男人都會喜歡身材豐滿又青春嘅優香多啲喇!
近期佢密密拍寫真,實行以雷霆萬鈞之勢喺寫真界搶佔一席位,下個月更有機會登台,就係演出舞台劇《KissMeYou~がんばったシンプー達へ~》,睇嚟優香嘅野心都幾大,誓要紅遍寫真界同藝能界!
喺小日向優香嘅社交網中,除咗可以睇到好多佢嘅性感寫真,亦可以睇到好多佢分享出嚟嘅寵物片段,阿妹咁鍾意小動物,真係好有愛心呀!
Profile
年齡:24歲
身高:5呎3吋
三圍:34F-24-35